ဖလမ်းမြို့နယ်ရှိ စစ်ဘေးရှောင် ၂သောင်းကျော်အတွက် အရေးပေါ် စားနပ်ရိက္ခာ ၊ ဆေးဝါးနှင့် စောင်၊ အနွေးထည်တွေ လိုအပ်နေ

 စစ်ကော်မရှင်တပ်ဖွဲ့ရဲ့ စစ်ကြောင်းထိုးတိုက်ခိုက်လာမှုတွေကြောင့် ချင်းပြည်နယ် ၊ ဖလမ်းမြို့နယ်အတွင်း စစ်ဘေးရှောင်လာတဲ့ ကလေးတောင်ပိုင်းက ဒေသခံအရပ်သားတွေအပါအဝင် ဒေသခံ ၂ သောင်းကျော်အတွက် အရေးပေါ်စားနပ်ရိက္ခာ၊ ဆေးဝါးနဲ့ ေစာင်၊ အနွေးအထည်တွေ လိုအပ်လျက်ရှိနေတယ်လို့ ချင်းအမျိုးသားကာကွယ်ရေးတပ်ဖွဲ့ ( CNO / CNDF) ပြောရေးဆိုခွင့်ရှိသူ ဆလိုင်းတင်မီကပြောပါတယ်။

CNO / CNDF ပြောရေးဆိုခွင့်ရှိသူ ဆလိုင်းတင်မီက "လက်ရှိဖလမ်းမြို့နယ်ထဲ စစ်ဘေးရှောင်က ၂ သောင်းကျော်ရှိပါတယ် ရွာတွေ တောထဲတွေမှာနေနေရတယ်ပေါ့ သူတို့အတွက် ဆန်၊ ဆီ ၊ ပဲ ၊ ဆေးဝါး၊ အမိုးအကာတွေ နောက်ပြီး ဆောင်းရာသီဆိုတော့ အနွေးထည်တွေ ဆောင်တွေ အရေးပေါ်လိုအပ်နေကြပါတယ် ကလေးတောင်ပိုင်း နတ်ချောင်း၊ နတ်မြောင်း၊ ဟားခါးလေးတို့ စတဲ့ အနီးအနားမှာ ရှိတဲ့သူတွေ အကုန်လုံးက ချင်းတောင်ဘက်ကို စစ်ကြောင်းထိုးတဲ့အခါကြတော့ ချင်းတောင်ဖက်ကို ရွှေ့ပြောင်းပြီးတော့ စစ်ရှောင်နေကြရတာပေါ့” လို့ပြောပါတယ်။

လက်ရှိစစ်ဘေးရှောင်နေရတဲ့ထဲ ကလေးသူငယ် ၃၀၀၀ ကျော်အပါအဝင် ဒေသခံပြည်သူ ၂ သောင်းကျော်ဟာ ကျေးရွာတွေ နဲ့ တောတောင်တွေထဲ ဘေးလွတ်ရာကို စစ်ဘေးရှောင်နေရပြီး ဖလမ်းမြို့ဖက်ကို စစ်ကြောင်းထိုးလာတဲ့ စစ်ကော်မရှင်တပ်ဖွဲ့နှင့် ချင်းကာကွယ်ရေးပူးပေါင်းတပ်ဖွဲ့တွေအကြား ထိတွေ့တိုက်ပွဲကလည်း နေ့စဉ်နဲ့အမျှ ရှိနေတဲ့ကြောင်းကိုလည်း CNO / CNDF ပြောရေးဆိုခွင့်ရှိသူ ဆလိုင်းတင်မီကပြောပါတယ်။

စစ်ကော်မရှင်တပ်ဖွဲ့ဟာ စစ်ကိုင်းတိုင်း၊ ကလေးမြို့နယ်ကနေ ပြီးခဲ့တဲ့ အောက်တိုဘာလ ၂၇ ရက်နေ့လောက်ကစလို့ ကလေးမြို့တောင်ပိုင်း ကလေး - ဂန့်ဂေါလမ်းဖက်ကို စစ်ကြောင်း ၂ ကြောင်းဖြင့် ထိုးစစ်ဆင်ခဲ့ြ့ပီးနောက် ကလေး - နတ်ချောင်း - ချောင်းခွ - ဟားခါးလေး ဘက်ကနေ ဖလမ်းမြို့နယ် ဝေဘူလမြို့ကို ထိုးစစ်ဆင်ဝင်ရောက်ခဲ့ပြီး အဲဒီကနေ ဖလမ်းမြို့ကို နိုဝင်ဘာလ ၃ ရက်နေ့လောက်ကနေ အင်အား ၄၀၀ ကျော်နဲ့ ထိုးစစ်ဆင်ဖို့ စစ်ကြောင်းထိုးလာလို့ ထိတွေ့တိုက်ပွဲတွေ နေ့စဉ်နဲ့အမျှ ဖြစ်ပွားလျှက်ရှိနေတယ်လို့လည်း သိရပါတယ်။

Buz Blogger November 20, 2025

Read more ...

People's Party holds sign-raising ceremony in Yangon

The People’s Party’s election victory banner-laying ceremony was held on the morning of November 19 at the roadside platform under the People’s Party Yangon Region Office on Upper Pansodan Road, Kan Nok Ward, Mingalar Taungnyunt Township.

At the ceremony, the party Chairman U Ko Ko Gyi and some members of the Central Committee cut the ribbon to open the ceremony.

Then, party chairman U Ko Ko Gyi and some members of the Central Committee sprinkled the election victory banner with fragrant water, and party chairman U Ko Ko Gyi delivered an opening speech as planned.

Party chairman U Ko Ko Gyi said, “The venue for the ceremony is on the platform. When I saw this situation, what came to my mind was that we have almost lost our political platform. Because it has become dangerous to do politics with all kinds of threats and all kinds of fear.”

Buz Blogger November 20, 2025

Read more ...

ကန် အထူးကော်မတီက မြန်မာပြဿနာ ပိုမိုဆိုးရွားလာဟုထုတ်ဖော်

 အမေရိကန် အစိုးရ၏ House Foreign Affairs Committee အောက်ရှိ East Asia & Pacific နှင့် South & Central Asia Subcommittees တို့က “No Exit Strategy: Burma’s Endless Crisis and America’s Limited Options” ဟုအမည်ရ မေးမြန်းညိှန့်ဆွေးပွဲတစ်ခုကို ယနေ့ကျင်းပခဲ့ပြီး မြန်မာပြဿနာ အမေရိကန် မူဝါဒသည် ဘယ်လို ကန့်သတ်ချက်များကြား တည်ရှိနေသည်ကို ထပ်မံဖော်ထုတ်ပြခဲ့သည်။

သန်းများသော ပြည်တွင်းပြေးရွှေ့ပြောင်းသူများ၊ မတည်ငြိမ်သော စစ်ကောင်စီအာဏာ၊ တောင်အာရှ တစ်ဝန်းလုံးကို ထိခိုက်စေသော scam network များ စသည်တို့ကြောင့် မြန်မာ ပြဿနာ အမေရိကန် အတွက် မေ့မလွဲနိုင်သော ဒဏ်ခတ်မှုဖြစ်နေလျက်ရှိကြောင်း သက်ဆိုင်ရာ သက်သေလွှတ်တော်များက နှစ်သက်အောင်ရှင်းလင်းပြခဲ့ကြသည်။

Atlantic Council ၏ Kelley Currie က အမေရိကန်၏ သံသယပြင်းထန်မှုမှာ တစ်နိုင်ငံလုံး တိုက်ပွဲပြိုးပွဲဖြစ်သွားခြင်း၊ ကုန်သွယ်ရေးလမ်းကြောင်း စီးပွားရေးတည်ဆဲမှုတွေထိခိုက်နိမ့်ချခြင်းနှင့် အနီးအနားနိုင်ငံများသို့ ဆင်းသက်နေတဲ့ ဖောက်ပြန်မှုများကြောင့်ဟု သတ်မှတ်သည်။ Stimson Center ၏ Steve Ross ကတော့ scam compounds, ဘောင်မဲ့ crime economy နဲ့ မြန်မာစစ်ကောင်စီအကြား ပူးပေါင်းခံစားမှုတွေကို အပြင်းအထန်ဖော်ပြခဲ့ပြီး အမေရိကန်က တိုက်ရိုက်တားမြစ်နိုင်မှုမှာ အကန့်အသတ်များကြောင်း ဆိုသည်။

Refugee Women for Peace and Justice အဖွဲ့၏ Lucky Karim က နယ်စပ်ဒေသ refugee များကြံ့ကြံ့ခံနေရသည့် အန္တရာယ်များ၊ လိင်ပိုင်းဆိုင်ရာအကြမ်းဖက်ခံရမှုများ၊ အထောက်အပံ့မလုံလောက်မှုများကို ဗဟိုအချက်အလက်အဖြစ် တင်ပြခဲ့သည်။

မေးမြန်းပွဲအနှစ်ချုပ်အနေဖြင့်—မြန်မာပြဿနာသည် အမေရိကန်အတွက် မထွက်ပေါက်နိုင်သလို မလွှတ်မပျောက်နိုင်တဲ့ အားနည်းချက်များနဲ့ကြုံတွေ့နေရသလို၊ အနွယ်ကျဉ်းလုပ်ဆောင်ချက်တွေ၊ တင်းကျပ်သည့် စီးပွားရေးပိတ်ဆို့မှုတွေ၊ Scam network တိုက်ဖျက်ရေးတွေကသာ လောလောဆယ် အမေရိကန်အနေနဲ့ လုပ်ဆောင်နိုင်သည့် သေချာတဲ့လမ်းကြောင်းများဖြစ်နေတယ်လို့ သုံးသပ်ချက်တစ်ရပ်တည်းအဖြစ် ပေါ်ထွက်နေသည်။

Buz Blogger November 20, 2025

Read more ...

၁၃ရက်တာတိုက်ပွဲအတွင်း စစ်ကော်မရှင်တပ်သား ၁၀၀ ခန့်သေဆုံးဟု ချင်းလဲန်းအစိုးရဆို

 ချင်းပြည်နယ်နှင့် စစ်ကိုင်းတိုင်း-မကွေးတိုင်းအစပ်တွင် ဖြစ်ပွားနေသော ၁၃ ရက်တာ တိုက်ပွဲ များအတွင်း စစ်ကော်မရှင်တပ်က အရာရှိကြီးများအပါအဝင် ၁၀၀ ကျော်သေဆုံးခဲ့ကြောင်း ချင်းလဲန်း အစိုးရ၊ ကာကွယ်ရေးဝန်ကြီးဌာနက နိုဝင်ဘာလ ၁၈ ရက်နေ့စွဲဖြင့် ထုတ်ပြန်သည်။

စစ်ကိုင်းတိုင်း၊ ကလေးမြို့နယ်၊ မကွေးတိုင်းဂန့်ဂေါမြို့နယ်၊ ချင်းပြည်နယ် ဖလမ်းနှင့် တီးတိန်မြို့နယ်တို့ တွင် ချင်းလဲန်းအစိုးရ ကာကွယ်ရေးဝန်ကြီးဌာနမှ ဒေသခံမဟာမိတ်များဖြင့်ပူးပေါင်း၍ စစ်ကြောင်း (၁) စစ်ကြောင်း(၂)တို့နှင့် နိုဝင်ဘာလ ၆ ရက်မှ ၁၈ ရက်အတွင်းဖြစ်ပွားခဲ့သော တိုက်ပွဲများအတွင်း စစ်ကော် မရှင်တပ်သားများ သေဆုံးခဲ့ခြင်းဖြစ်သည်။

“ဗိုလ်မှူး၊ ဗိုလ်ကြီးအပါအဝင် အရာရှိတွေနဲ့ စစ်ကော်မရှင်တပ်သားသေဆုံးတာက စစ်ကြောင်းနှစ် ကြောင်းလုံးကို ပူးပေါင်းရေတွက်တာပါ။ စစ်ကြောင်း(၁) ဖက်က သေတာပိုများပါတယ်၊ အလောင်းရရှိမှု က ၁၀၀ ကျော်ပေါ့ ဒီထက်လည်း များနိုင်ပါတယ်။ ဒဏ်ရာရတဲ့သူတွေလည်းများပြီး အရေအတွက်တော့ အတည်ပြုဖို့ မလွယ်ဘူး”ဟု ချင်းလဲန်းအစိုးရကာကွယ်ရေးဝန်ကြီးဌာန ပြန်ကြားရေးတာဝန်ခံ ဆလိုင်း နိုင်ဂျွန်ကင်မ်က မဇ္ဈိမကိုပြောသည်။

မြေပြင်တွင် စစ်ကော်မရှင်တပ်က အထိခိုက်အကျအဆုံးများပြီး လက်နက်ခဲယမ်းများ သိမ်းဆည်းနိုင်ခဲ့ သည့်အပြင် စစ်သုံ့ပန်းအချို့ပါဖမ်းဆီးထားနိုင်ခဲ့သဖြင့် လေကြောင်းတိုက်ခိုက်မှုများ အပြင်းထန် ပြုလုပ် နေပြီး နိုဝင်ဘာလ ၁၈ ရက် တနေ့တည်းတွင် ဂျက်ဖိုက်တာဖြင့် ဗုံးလေးလုံး ၊ Y12 ဖြင့် ဗုံး ၁၅၀ ခန့် ကြဲချခဲ့ကြောင်း ၎င်းကဆိုသည်။

စစ်ကော်မရှင်တပ်က လေယာဥ်နှင့် ဒရုန်းများကို အားပြုတိုက်ခိုက်နေသဖြင့် ရှေ့တိုးနိုင်ရန် အခက်အခဲ များရှိသော်လည်း မဟာမိတ်တပ်ဖွဲ့များနှင့်အတူ အတတ်နိုင်ဆုံး ရှေ့တိုး၍ တိုက်ခိုက်နေကြောင်း ဆလိုင်း နိုင်ဂျွန်ကင်မ်က ဆက်ပြောသည်။

စစ်ကြောင်း(၁)သည် ကလေးမြို့နယ် မှန်တော၊ ကြံသာနှင့် ဂန့်ဂေါမြို့နယ် ဟံသာဝတီရွာအနီးတွင် မဟာ မိတ်များဖြစ်သော Vakok–PDF ၊ မြန်မာနိုင်ငံလုံးဆိုင်ရာကျောင်းသားများဒီမိုကရက်တစ်တပ်ဦး(ABSDF) ၊ PDF ခရိုင်တပ်ရင်းများ၊ ပကဖများ၊ Yaw Defense Force(YDF)တို့ပူးပေါင်း၍ တိုက်ပွဲဝင်နေခြင်းဖြစ် ကြောင်း ချင်းလဲန်းအစိုးရ ကာကွယ်ရေးဝန်ကြီးဌာန ထုတ်ပြန်ချက်တွင် ဖော်ပြသည်။

စစ်ကြောင်း(၂)သည် ချင်းပြည်နယ် ဖလမ်းမြို့နှင့် ဝေဘူလမြို့အကြားတွင်လည်းကောင်း၊ တီးတိန်မြို့ နှင့် ခိုင်ကမ်းမြို့အကြားများတွင် ချင်းညီနောင်(CB) အဖွဲဝင်များဖြစ်သော ချင်းအမျိုးသားကာကွယ်ရေး အဖွဲ့ (CNDF) ၊ PDF- Zoland တို့နှင့် ပူးပေါင်း၍ တိုက်ခိုက်နေခြင်းဖြစ်သည်ဟု ဆိုသည်။

စစ်ကော်မရှင်တပ်သည် နိုဝင်ဘာလ ၆ ရက်မှ ၁၇ရက်နေ့အတွင်း ဂျက်ဖိုက်တာ၊ Y12 လေယာဥ်များဖြင့် ၁၇ကြိမ် ဗုံးကြဲတိုက်ခိုက်ခဲ့ကြောင်း ချင်းလဲန်းအစိုးရကာကွယ်ရေးဝန်ကြီးဌာနက ထုတ်ပြန်ထားသည်။

ယခုတိုက်ပွဲများအတွင်း ချင်းပြည်နယ်၌ သဘောထားကွဲလွဲနေသော ချင်းလဲန်းကောင်စီ(CC) နှင့် ချင်းညီ နောင်(CB) တပ်ဖွဲ့ဝင်များ ပူးပေါင်းတိုက်ခိုက်နေပြီး ပိုမိုပူးပေါင်းနိုင်ရေးကြိုးသွားမည်ဖြစ်ကြောင်း နိုင်ဂျွန် ကင်မ်က ပြောသည်။

ဇူလိုင်လအတွင်း ဖြစ်ပွားခဲ့သော တီးတိန်မြို့နယ် မွာလ်ပီးကျေးရွာအနီးတိုက်ပွဲတွင် အတူတကွ တိုက်ပွဲ ဝင်ခဲ့ပြီး ယခုလည်း ပူးပေါင်းတိုက်ပွဲဝင်လျက်ရှိကာ CC , CB အလုံးစုံပူးပေါင်းတိုက်ပွဲဝင်သွားရန် ကြိုး စားသွားမည်ဟု ၎င်းကဆိုသည်။

စစ်ကော်မရှင်ပြုလုပ်မည့် ဒီဇင်ဘာလ ၂၈ ရက် ပထမအဆင့်ရွေးကောက်ပွဲတွင် ချင်းပြည်နယ်၌ ဟားခါး နှင့် တီးတိန်မြို့ပါဝင်နေပြီး ဆက်လက်ကျင်းပမည့်ရွေးကောက်ပွဲများအတွက် ဆုံးရှုံးခဲ့သော နယ်မြေများ ကိုပြန်လည်ရရှိရန် စစ်ကြောင်းများထိုးလာခြင်းဖြစ်ကြောင်း စစ်ရေးလေ့လာသူများက သုံးသပ် ကြ သည်။

Buz Blogger November 18, 2025

Read more ...

ကနေဒီတောင်စခန်းကို ချင်းညီနောင် (CB)က ပြန်လည်သိမ်းပိုက်ထိန်းချုပ်နိုင်ခဲ့

ချင်းပြည်နယ်၊ တီးတိန်မြို့နယ်မှာရှိတဲ့ စစ်ရေးအရ အချက်အချာကျတဲ့ ကနေဒီတောင်ကို ချင်းညီနောင် (CB) အဖွဲ့က နိုဝင်ဘာလ ၁၈ ရက်နေ့မှာ ပြန်လည်ထိန်းချုပ်နိုင်ခဲ့သလို လက်နက်ခဲယမ်းတွေကိုလည်း သိမ်းပိုက်ရရှိခဲ့တယ်လို့ တီးတိန်မြို့နယ်က ချင်းလက်နက်ကိုင်အဖွဲ့ဖြစ်တဲ့ PDF – Zoland ရဲ့ နိုဝင်ဘာလ ၁၈ ရက်နေ့ဖော်ပြချက်အရ သိရပါတယ်။

ချင်းပြည်နယ်မှာ ရွေးကောက်ပွဲဖြစ်မြောက်ရေးအတွက် အင်အားအလုံးအရင်းနဲ့ ချီတက်လာတဲ့ စစ်ကော်မရှင်တပ်ဖွဲ့ရဲ့ ရွှေ့လျားစစ်ကြောင်းကို အောက်တိုဘာလ ၂၉ ရက်နေ့ကစလို့ CB အဖွဲ့ဘက်က ဆုတ်ခွာပေးခဲ့ရပြီးနောက် စစ်ရေးအရ အချက်အချာ ကျတဲ့ ကနေဒီတောင်စခန်းကို နိုဝင်ဘာလ ၄ရက်နေ့မှာ စစ်ကော်မရှင်တပ်က ထိန်းချုပ်ခဲ့တာဖြစ်ပါတယ်။

ချင်းညီနောင်အဖွဲ့ဘက်က ပြန်လည်ထိုးစစ်ဆင်တိုက်ခိုက်ခဲ့ရာ ကနေဒီတောင်စခန်းကို မနေ့ နိုဝင်ဘာလ ၁၈ ရက်နေ့မှာ ပြန်လည်သိမ်းပိုက်ထိန်းချုပ်နိုင်ခဲ့သလို တိုက်ပွဲအတွင်း လက်နက်ခဲယမ်းတွေကိုလည်း သိမ်းဆည်းရမိခဲ့တယ်လို့ သိရပါတယ်။

ကနေဒီတောင်စခန်းကို သိုင်းငင်းကျေးရွာဘက်ကို စစ်ကြောင်းထိုးလာတဲ့ တီးတိန်မြို့ ခလရ ၂၆၉ တပ်ရင်းက စစ်ကော်မရှင်တပ်ဖွဲ့တွေက နိုဝင်ဘာလ ၄ ရက်နေ့က သိမ်းပိုက်ထိန်းချုပ်ခဲ့ပြီး တပ်စွဲထားခဲ့တာဖြစ်ပါတယ်။

ကလေး - တီးတိန် - ဖလမ်း ကားလမ်းမပေါ်မှာ တည်ရှိပြီး စစ်ရေးအရ အချက်အချာကျတဲ့ တီးတိန်မြို့နဲ့ ခိုင်ကမ်းမြို့ အကြားကို စစ်ကော်မရှင်တပ်ဖွဲ့က ကလေးမြို့နဲ့ တီးတိန်မြို့မှ နှစ်ဖက်ညှပ်ပြီး အင်အားရာချီနဲ့ စစ်ကြောင်းထိုးနေသလို ဝေဘူလဘက်ကနေ ဖလမ်းမြို့ကို အင်အားအမြောက်အများနဲ့ စစ်ကြောင်းထိုးနေတဲ့ စစ်ကော်မရှင်တပ်ဖွဲ့ကို ချင်းညီနောင် (CB) ၊ ချင်းလဲန်းကောင်စီ ( CC) တပ်ဖွဲ့နဲ့ ချင်းမဟုတ်တဲ့ တခြားအဖွဲ့တွေနဲ့အတူ ပူးပေါင်းတိုက်ခိုက်နေတယ်လို့လည်း သိရပါတယ်။

Buz Blogger November 18, 2025

Read more ...

ဗန်းမောက်မြို့အနီး တိုက်ပွဲများ ပြင်းထန်

ပြီးခဲ့တဲ့စက်တင်ဘာ ၁၅ ရက်မှာ တော်လှန်ရေးတပ်ဖွဲ့တွေ တိုက်ခိုက်သိမ်းပိုက်ထားတဲ့ စစ်ကိုင်းတိုင်း အထက်ပိုင်းက ဗန်းမောက်မြို့ကို စစ်ကောင်စီနဲ့ SNA ပူးပေါင်းတပ်ဖွဲ့တွေက တန်ပြန် ထိုးစစ်ဆင်နေရာ နိုဝင်ဘာလလယ်မှာတော့ မြို့အနီးပတ်ဝန်းကျင်အထိ ရောက်လာနေပြီးတော့ တိုက်ပွဲတွေ ဆက်ပြင်းထန်နေတယ်လို့ ဗန်းမောက် သတင်းရင်းမြစ်တယောက်က ပြောပါတယ်။

စစ်ကောင်စီနဲ့ ရှမ်းနီအမျိုးသားများတပ်မတော် (SNA) ပူးပေါင်းတပ်တွေဟာ နည်းပညာမြင့် ဒရုန်းတွေ အပါအဝင် လေကြောင်းကနေ အပြင်းအထန် တိုက်ခိုက်နေတာကြောင့် တိုက်ပွဲတွေ နေ့စဉ် ဖြစ်ပွားနေတယ်လို့ ဆိုပါတယ်။

“မြို့ထဲဘက်ကို တအားဖိနေတယ်၊ တော်တော်လေး တိုးလာနေတယ်။ တိုက်ပွဲကတော့ နေ့တိုင်းပါ။ မနေ့ကလည်း ညတညလုံး ဖြစ်တယ်၊ နေ့ကော ဖြစ်နေတယ်။ ပြီးတော့ သူတို့က အသေခံဒရုန်းတွေနဲ့ သုံးတယ်၊ FPV ဒရုန်းတွေနဲ့ ဗန်းမော်မှာ သုံးသလိုမျိုး သုံးနေတာဟုတ်တယ်” လို့ ဗန်းမောက် သတင်းရင်းမြစ်က ပြောပါတယ်။

SNA နဲ့ စစ်ကောင်စီ ပူးပေါင်းတပ်တွေရဲ့ ထိုးစစ်တွေကြောင့် တော်လှန်ရေးတပ်ဖွဲ့တွေဘက်က တပ်စခန်းတွေကို နောက်ဆုတ်ပေးလိုက်ရတဲ့ အခြေအနေတွေလည်း ရှိနေပြီး ဗန်းမောက်မြို့အနီးက တော်လှန်ရေးတပ်ဖွဲ့တွေ နေရာယူထားတဲ့ (နတလ) ကျောင်းကနေလည်း ဆုတ်ခွာပေးထားရတယ်လို့ သိရပါတယ်။ 

နှစ်ဖက် တိုက်ပွဲတွေအတွင်း လက်နက်ကြီး၊ လေကြောင်းနဲ့ ဒရုန်းဒဏ်တွေကြောင့် (နတလ)ကျောင်း အဆောက်အအုံ အများစုမှာလည်း ထိခိုက်ပျက်စီးခဲ့တယ်လို့ ဗန်းမောက် စစ်ရေးသတင်းရင်းမြစ်က ပြောပါတယ်။

“ဟုတ်တယ်၊ နတလ ကလည်း ဆုတ်ထားရတယ်၊ နေရာတွေလည်း သိပ်မရှိတော့ဘူး၊ နေစရာလည်း သိပ်မရှိတော့ဘူး၊ လေယာဉ်ကြဲလိုက်၊ ဒရုန်းတွေနဲ့စောင့်လိုက်ဆိုတော့ အဲနေရာတွေက ဆုတ်ပေးလိုက်ရတယ်။” 

လက်နက်ကြီး၊ ဒရုန်းနဲ့ လေကြောင်းတိုက်ခိုက်မှုတွေကြောင့် ဗန်းမောက်မြို့ပေါ်က  နေအိမ် အများအပြား မီးလောင်ပျက်စီးခဲ့တယ်လို့ သိရပါတယ်။ 

စစ်ကောင်စီ အသုံးပြုနေတဲ့ FPV ဒရုန်းတွေကို တော်လှန်ရေးတပ်ဖွဲ့တွေဘက်က ရရှိထားတာတွေလည်း ရှိတယ်လို့ သိရပါတယ်။ 

စစ်ကောင်စီလေတပ်ကလည်း တိုက်ပွဲဖြစ်ပွားနေတဲ့ ဗန်းမောက်မြို့နဲ မြို့ပတ်ဝန်းကျင်ကို နေ့တိုင်း လေကြောင်းကနေ ဗုံးကြဲတိုက်ခိုက်နေတယ်လို့ သိရပါတယ်။

နှစ်ဖက် အပြန်အလှန်တိုက်ပွဲတွေကြောင့် ဗန်းမောက်မြို့အနီးက ခမိုး၊ မြစ်သေးချင်း၊ စက်တော၊ နားယကာ၊ ပေကုန်၊ နားယေားကျေးရွာတွေက ပြည်သူတွေ ဘေးလွတ်ရာမြို့တွေကို ထွက်ပြေးတိမ်းရှောင် နေထိုင်နေရတယ်လို့ သိရပါတယ်။

Buz Blogger November 18, 2025

Read more ...

ကလေး၊ ဂန့်ဂေါ၊ ဖလမ်းနှင့်တီးတိန်တို့တွင် တိုက်ပွဲပြင်းထန်၊ စစ်တပ်ဘက်မှ စစ်သား ၁၀၀ နီးပါး သေဆုံး

အကြမ်းဖက်စစ်တပ်က ချင်းပြည်နယ်အတွင်းသို့ ထိုးဖောက်ဝင်ရန် စစ်ကြောင်းထိုးလာမှုကို  ချင်းတော်လှန်ရေးတပ်များနှင့် မဟာမိတ်တော်လှန်ရေးများက ပူးပေါင်း ခုခံတိုက်ခိုက်ခဲ့ကြရာ တိုက်ပွဲများအပြင်းအထန်ဖြစ်ပွားပြီး စစ်တပ်ဘက်မှ ဗိုလ်မှူး၊ ဗိုလ်ကြီး အပါအဝင် ၁၀၀  ဝန်းကျင်သေဆုံးကြောင်း ချင်းပြည်(Chinland) အစိုးရ၊ ကာကွယ်ရေးဝန်ကြီးဌာနက သတင်းထုတ်ပြန်သည်။

 ချင်းအမျိုးသားတပ်မတော်နှင့် ဒေသန္တရကာကွယ်ရေးတပ်ဖွဲ့များဖြင့် ဖွဲ့စည်းထားသည့် ချင်းလဲန်အစိုးရတပ်ဖွဲ့၏ စစ်ကြောင်း  ၁  နှင့် စစ် ကြောင်း ၂ တို့က အကြမ်းဖက်စစ်တပ်ကို  ကလေးမြို့နယ်၊ ဂန့်ဂေါမြို့နယ်၊ ဖလမ်းမြို့နယ်နှင့် တီးတိန်မြို့နယ်တို့တွင်  တိုက်ခိုက်ခဲ့ကြောင်း၊Chinland အစိုးရတပ်ဖွဲ့၏ စစ်ကြောင်း ၁ က  Vakok PDF ၊ ကျောင်းသားတပ်မတော် (ABSDF) ၊ PDF ခရိုင်တပ်ရင်းများ၊ ပကဖများ၊ Yaw Defense Force (YDF) စသည့် မဟာမိတ်အဖွဲ့များနှင့် လက်တွဲ၍  ကလေးမြို့နှင့် ဂန့်ဂေါမြို့အကြားတွင်စစ်ကောင်စီတပ်ကို တိုက်ခိုက်နေကြောင်း   သိရှိရသည်။ 

စစ်တပ်က လေယာဉ်နှင့် ဒရုန်းတို့ကို အားပြုပြီး တိုက်ခိုက်နေသော်လည်း  Chinland အစိုးရ တပ်ဖွဲ့နှင့် မဟာမိတ်အဖွဲ့များ၏ တိုက်ခိုက်မှုကြောင့် စစ်တပ်ဘက်မှ  ဗိုလ်မှူး၊ ဗိုလ်ကြီးအဆင့် အရာရှိများ အပါအဝင် အင်အား  ၁၀၀ ခန့်ကို ချေမှုန်းနိုင်ခဲ့ပြီး  စစ်သုံ့ပန်းတချို့ ဖမ်းဆီးရမိကြောင်း၊  လက်နက်ခဲယမ်းများလည်း သိမ်းဆည်းနိုင်ခဲ့ကြောင်း သိရှိရသည်။ 

အထိနာနေသော စစ်တပ်က နိုဝင်ဘာလ ၆ ရက်နေ့တွင်  တိုက်လေယာဉ်ဖြင့်  ၄ ကြိမ်၊ နိုဝင်ဘာလ ၁၄ ရက်နေ့တွင် တိုက်လေယာဉ်ဖြင့် ၇ ကြိမ်၊ Y-12 လေယာဉ် ဖြင့် ၁ ကြိမ်၊ နိုဝင်ဘာလ ၁၅ ရက်နေ့တွင်  တိုက်လေယာဉ် ဖြင့် ၂ ကြိမ်၊ နိုဝင်ဘာလ ၁၆ ရက်နေ့တွင် တိုက်လေယာဉ်ဖြင့် ၂ ကြိမ်၊ Y-12 ဖြင့် ဗုံးအလုံး ၅၀ ခန့်၊ နိုဝင်ဘာလ ၁၇ ရက်နေ့ တွင် Fighter Jet ဖြင့် ၄ ကြိမ် လေကြောင်းတိုက် ခိုက်မှုများ ပြုလုပ်ခဲ့ကြောင်း သိရှိရသည်။ 

အလားတူ  Chinland အစိုးရ တပ်ဖွဲ့၏ စစ်ကြောင်း ၂ က  Chin National Defense Force (CNDF) ၊ PDF Zoland  စသည့် မိတ်ဖက်အဖွဲ့များနှင့် လက်တွဲ၍  ဖလမ်းမြို့နှင့်ဝေဘူလမြို့အကြားတွင်လည်းကောင်း၊ တီးတိန်မြို့နှင့်ခိုင်ကမ်းမြို့အကြားတွင်လည်းကောင်း စစ်ကောင်စီတပ်ကို တိုက်ခိုက်နေကြောင်း၊  စစ်တပ်က ယမန်နေ့နိုဝင်ဘာလ ၁၇ ရက်နေ့တွင် လေကြောင်းတိုက်ခိုက်မှုများ လုပ်ဆောင်ခဲ့ကြောင်း သိရှိရသည်။

Buz Blogger November 18, 2025

Read more ...

၂၀၂၅ ရွေးကောက်ပွဲတွင် အမျိုးသမီးကိုယ်စားလှယ်လောင်း စံချိန်တင် တိုးမြင့်လာ

 ပြည်ထောင်စု ရွေးကောက်ပွဲကော်မရှင် (UEC) ထုတ်ပြန်သည့် ဒေတာအရ ၂၀၂၅ ခုနှစ်အတွက် ကျင်းပမည့် မြန်မာနိုင်ငံ၏ အထွေထွေ ရွေးကောက်ပွဲတွင် အမျိုးသမီး ကိုယ်စားလှယ်လောင်းများ သမိုင်းတစ်လျှောက် အမြင့်ဆုံး ဦးရေဖြင့် ပါဝင်ယှဉ်ပြိုင်မည်ဖြစ်ကြောင်း သိရသည်။ လွှတ်တော်အသီးသီးအတွက် မှတ်ပုံတင်သည့် အမျိုးသမီး ကိုယ်စားလှယ်လောင်းစုစုပေါင်းမှာ ၁,၁၈၃ ဦး ရှိပြီး ၎င်းမှာ နိုင်ငံ၏ ရွေးကောက်ပွဲ သမိုင်းတွင် မှတ်တမ်းတင်ခဲ့သည့် အမြင့်ဆုံး ကိန်းဂဏန်းဖြစ်သည်။

ပြည်သူ့လွှတ်တော်အတွက် အမျိုးသမီး ၃၀၉ ဦး၊ အမျိုးသားလွှတ်တော်အတွက် ၁၉၀ ဦးနှင့် ပြည်နယ်နှင့် တိုင်းဒေသကြီး လွှတ်တော်များအတွက် ၇၀၄ ဦး ယှဉ်ပြိုင်မည်ဖြစ်ကြောင်း UEC မှ အတည်ပြုထားသည်။ ၎င်းသည် ၂၀၂၀ ခုနှစ်က အမျိုးသမီး ၉၀၈ ဦးနှင့် ၂၀၁၅ ခုနှစ်က ၇၉၉ ဦး ယှဉ်ပြိုင်ခဲ့သည့် ယခင်ရွေးကောက်ပွဲများနှင့် နှိုင်းယှဉ်ပါက သိသာထင်ရှားသည့် တိုးတက်မှုတစ်ရပ်ဖြစ်သည်။

Buz Blogger November 18, 2025

Read more ...

တရုတ်သမ္မတ ရှီကျင့်ပင်ကို လက်ဆောင်ပေးရန်အတွက် ပြစ်ဒဏ်ကျခံထားရသော တရုတ်နိုင်ငံသားတချို့ကို လွတ်ငြိမ်းခွင့်ပေး

 ယနေ့ တရုတ်နိုင်ငံသို့ သွားရောက်မည့် အကြမ်းဖက် မင်းအောင်လှိုင်က တရုတ် သမ္မတ ရှီကျင့်ပင်ကို လက်ဆောင်ပေးရန်အတွက် အကျဉ်းထောင်များတွင် ပြစ်ဒဏ်ကျခံနေရသော တရုတ်နိုင်ငံသားတချို့ကို ပြစ်ဒဏ်မှ လွတ်ငြိမ်း ခွင့်ပေးပြီး လေယာဉ်ဖြင့် တစ်ပါတည်း တင်ခေါ်သွားမည်ဖြစ်ကြောင်း နေပြည် တော် စစ်ဘက်သတင်းရင်းမြစ်က ပြောဆိုသည်။ 

 ယနေ့ ဩဂုတ်လ ၃၀ ရက်နေ့မှ စက်တင်ဘာလ ၆ ရက်နေ့အထိ တရုတ်နိုင်ငံသို့ သွားရောက်မည့် အကြမ်း ဖက် မင်းအောင်လှိုင်က ယင်းကဲ့သို့ ပြစ်ဒဏ်ကျ တရုတ်နိုင်ငံသားတချို့ကို ၎င်းနှင့်အတူ လေယာဉ် ၁ စီးတည်း လိုက်ပါသွားရန် တင်ခေါ်သွားမည်ဖြစ်ပြီး လွတ်ငြိမ်းခွင့်ပြုသည့် တရုတ်နိုင်ငံသား အကျဉ်းသားများကို လက်ဆောင်အဖြစ် သမ္မတရှီကျင့်ပင်နှင့် တရုတ်အစိုးရထံသို့ လွှဲ ပြောင်း ပေးအပ်မည်ဖြစ်ကြောင်း သိရှိရသည်။ ထိုသို့ တရုတ်နိုင်ငံသား အကျဉ်းသားများကို မင်းအောင်လှိုင်က ၎င်းနှင့်အတူ တစ်ပါတည်း ခေါ်သွားမည့် ကိစ္စကို အထူးလျှို့ဝှက်အဖြစ် သတ်မှတ်ဆောင် ရွက်နေကြောင်း ၊ အကြမ်းဖက် မင်းအောင်လှိုင်က ၎င်း၏ ခရီးစဉ်အတွက် ဝယ်ယူထားသော MAI အထူးလေယာဉ် Airbus 319 -XYALK ဖြင့် တရုတ်နိုင်ငံသို့ သွားရောက်မည်ဖြစ်ကြောင်း သိရှိရသည်။

Buz Blogger August 29, 2025

Read more ...

𝐆𝐫𝐞𝐚𝐭 𝐍𝐞𝐰𝐬 𝐟𝐫𝐨𝐦 𝐌𝐲𝐚𝐧𝐦𝐚𝐫 𝐍𝐚𝐭𝐢𝐨𝐧𝐚𝐥 𝐀𝐢𝐫𝐥𝐢𝐧𝐞𝐬

On 25 August 2025, Myanmar National Airlines launches new routes connecting Myanmar’s most breathtaking destinations : Mandalay – Magway, Myitkyina - Magway , Magway - Naypyitaw , Magway – Yangon.

Fly aboard our ATR 72-600 and experience the beauty of Myanmar, one hop at a time.

မြန်မာအမျိုးသားလေကြောင်းလိုင်းမှ မန္တလေး-မကွေး ၊ မြစ်ကြီးနား -မကွေး၊ မကွေး-နေပြည်တော်၊ မကွေး-ရန်ကုန် ခရီးစဉ်သစ်များကို စတင်ပျံသန်းပြေးဆွဲမည်ဖြစ်ကြောင်း

ယဉ်ကျေးမှုအမွေအနှစ်များ ၊ တန်ခိုးကြီးဘုရား၊ စေတီပုထိုးများ နဲ့ အညာဓလေ့တွေ ဖုံးလွှမ်းနေတဲ့ မြန်မာနိုင်ငံ အလယ်ပိုင်းဒေသတွင်ရှိသော မကွေးမြို့ကို သွားရောက်ဖို့ အတွက် မြန်မာအမျိုးသားလေကြောင်းလိုင်း မှ မကွေးခရီးစဉ်အား စတင်ပျံသန်းပြေးဆွဲမည်ဖြစ်ကြောင်း သတင်းကောင်းပါးအပ်ပါတယ်ရှင်

မြန်မာအမျိုးသားလေကြောင်းလိုင်း မှ ပြည်တွင်းခရီးစဉ်သစ်ဖြစ်သော မန္တလေး-မကွေး ၊ မြစ်ကြီးနား -မကွေး၊ မကွေး-နေပြည်တော်၊ မကွေး-ရန်ကုန် ခရီးစဉ်များကို ATR 72-600 လေယာဉ်ဖြင့် ၂၀၂၅ ခုနှစ် ဩဂုတ်လ ၂၅ ရက်နေ့ မှ စတင်ပြီး အပတ်စဉ် တနင်္လာနေ့တိုင်း ပျံသန်းပြေးဆွဲပေးသွားမည်ဖြစ် ပါသည်။

Buz Blogger August 27, 2025

Read more ...

𝐑𝐔𝐒𝐓𝐈𝐂 𝐖𝐈𝐋𝐃𝐄𝐑𝐍𝐄𝐒𝐒, 𝐊𝐀𝐍𝐏𝐄𝐓𝐋𝐄𝐓 - Aye Myat Thu

 “𝐑𝐮𝐬𝐭𝐢𝐜 𝐖𝐢𝐥𝐝𝐞𝐫𝐧𝐞𝐬𝐬, 𝐊𝐚𝐧𝐩𝐞𝐭𝐥𝐞𝐭” (𝙅𝙖𝙣-𝙈𝙖𝙧 2020 𝙄𝙨𝙨𝙪𝙚) ကို မြန်မာနိုင်ငံရဲ့ အလှပဆုံးနေရာတွေထဲက တစ်ခုဖြစ်တဲ့ ချင်းတောင်တန်းဒေသ ကန်ပက်လက်မြို့မှာ ရိုက်ကူးထားပါတယ်။ ကန်ပက်လက်မြို့ဟာ ဝေးခေါင်တဲ့အတွက် သွားလာတဲ့သူနည်းပေမယ့် အေးချမ်းလွန်းတဲ့ နေရာတစ်ခုဖြစ်ပြီး သဘာဝရဲ့ ဆန်းကျယ်လှပမှုနဲ့ သန့်ရှင်းလတ်ဆတ်တဲ့ ရှုခင်းတွေကို ပိုင်ဆိုင်ထားတဲ့ မြို့လေးဖြစ်ပါတယ်။

ဒီ Issue မှာ 𝐂𝐨𝐯𝐞𝐫 𝐒𝐭𝐚𝐫 - 𝐀𝐲𝐞 𝐌𝐲𝐚𝐭 𝐓𝐡𝐮 နဲ့အတူ ကန်ပက်လက်မြို့ရဲ့ တောတောင်သဘာဝရဲ့ ရှားပါးအလှတရားတွေကို စိတ်ဝင်စားဖွယ် တမူထူးခြားစွာ ဖန်တီးထားတာကို မြင်တွေ့ရမှာပါ။

𝐑𝐔𝐒𝐓𝐈𝐂 𝐖𝐈𝐋𝐃𝐄𝐑𝐍𝐄𝐒𝐒, 𝐊𝐀𝐍𝐏𝐄𝐓𝐋𝐄𝐓

The “𝐑𝐮𝐬𝐭𝐢𝐜 𝐖𝐢𝐥𝐝𝐞𝐫𝐧𝐞𝐬𝐬, 𝐊𝐚𝐧𝐩𝐞𝐭𝐥𝐞𝐭” (𝙅𝙖𝙣-𝙈𝙖𝙧 2020 𝙄𝙨𝙨𝙪𝙚) takes readers to the Southern Chin hills, where untouched beauty and raw landscapes define one of Myanmar’s most enchanting towns. 𝐊𝐚𝐧𝐩𝐞𝐭𝐥𝐞𝐭, remote and serene, offers an escape into pure wilderness—a journey that demands time but rewards with breathtaking charm.

With 𝐂𝐨𝐯𝐞𝐫 𝐒𝐭𝐚𝐫 - 𝐀𝐲𝐞 𝐌𝐲𝐚𝐭 𝐓𝐡𝐮, the story reflects both the adventure and the quiet allure of this hidden gem. Her presence brings elegance to the rugged backdrop, unveiling 𝐊𝐚𝐧𝐩𝐞𝐭𝐥𝐞𝐭 as a place where wilderness and timeless grace meet.

Actress: Aye Myat Thu

Photographer: Aung Kyaw Tun (Visual Design)

Art Director & Stylist: Swannie Dean

Hair & Makeup: Ah Ngelay (Red Ribbon)

Associate Hair & Makeup: Honey Thar

Fashion Designer: Ahlatt Lumyang

Creative Lead: John Htut

Buz Blogger August 27, 2025

Read more ...

အင်းလေးတွင် တိုင်ဖွန်းမုန်တိုင်းအရှိန်ကြောင့် လေပြင်းတိုက်ပြီး နေအိမ် ၁၂၀ ကျော် ပျက်စီး

 ရှမ်းပြည်နယ်တောင်ပိုင်း၊ ညောင်ရွှေမြို့နယ်၊  အင်းလေးဒေသမှာ သြဂုတ် ၂၆ ရက်က   တိုင်ဖွန်းမုန်တိုင်း နောက်ဆက်တွဲကြောင့် လေပြင်းတိုက်ခတ်ပြီး ရွာ ၂ ရွာက အိမ်ခြေ ၁၂၀ အမိုးလန်တာ၊ နေအိမ်ပျက်စီးတာတွေ ကြုံခဲ့ရပါတယ်။

မနေ့ နေ့လယ် ၂ နာရီကျော်မှာ ဗီယက်နမ်ကနေ လာအိုကို ဖြတ်ကျော်ပြီး အားပျော့လာတဲ့ တိုင်ဖွန်းမုန်တိုင်း ကာဂျီကီ အရှိန်ကြောင့် အင်းလေးမှာ လေပြင်းတိုက်ခတ်ပြီး ကံခေါင်းရွာနဲ့ ဟတ်ပုံးရွာက ဒေသခံတွေရဲ့ နေအိမ်တွေ ခေါင်မိုးလန်တာနဲ့ ပျက်စီးတာတွေ ကြုံခဲ့ရပါတယ်။

Buz Blogger August 27, 2025

Read more ...

ကယန်းလက်ဝှေ့မယ် ဘရော်နီကာ One Championship ပွဲဦးထွက်အဖြစ် ယနေ့ထိုးသတ်မည်

ကယန်းလက်ဝှေ့မယ် ဘရော်နီကာ One Championship ပွဲဦးထွက်အဖြစ် ဖေဖော်ဝါရီလ ၁၄ ရက် ဒီကနေ့ညပိုင်းမှာ ချီလီနိုင်ငံသား ဖရန်စစ္စကာဗီရာနဲ့ ထိုးသတ်သွားတော့မှာဖြစ်ပါတယ်။

 အမျိုးသမီးရွှေခါးပတ်ဆုရှင် ဘရော်နီကာဟာ One Championship နဲ့ပထမဆုံး စာချုပ်ချုပ်ခွင့်ရတဲ့ ပထမဆုံး မြန်မာအမျိုးသမီး ဖိုက်တာလည်းဖြစ်ပါတယ်။

 

One Friday Fights 97 ပြိုင်ပွဲအဖြစ် ထိုင်းနိုင်ငံ ဘန်ကောက်မြို့မှာ ထိုးသတ်သွားမှာဖြစ်ပြီး ဘရော်နီကာရဲ့ ပြိုင်ဘက် ဖရန်စစ္စကာဗီရာဟာ One မှာပွဲစဥ် ၅ ပွဲထိုးသတ်ထားရာ ၂ ပွဲနိုင် ၃ ပွဲရှုံးရလဒ် ရရှိရှိထားသူ ဖြစ်ပါတယ်။

 

အသက် ၂၈ အရွယ် ကယန်းလက်ဝှေ့မယ် ဘရော်နီကာကတော့ One မှာ ပထမဆုံး ပွဲဦးထွက်ဖြစ်ပေမဲ့ ထိုင်းရိုးရာ မွေထိုင်း ပွဲစဥ် ၂၀ ပွဲအတွေ့အကြုံမှာ ၁၈ ပွဲအထိနိုင်ပြီး ၂ ပွဲသာ ရှုံးနိမ်းထားဖူးသူပါ။

 

ကယန်းကျားသစ်မယ်လို့ ပရိသတ်တွေကခေါ်ဝေါ်ကြတဲ့ ဘရော်နီကာဟာ မြန်မာနိုင်ငံကပရိသတ်အားပေးမှုတွေတင်မကဘဲ ထိုင်းနိုင်ငံက ပရိသတ်တွေရဲ့ အားပေးမှုပါ အခိုင်အမာရရှိထားသူတစ်ဦးဖြစ်ပြီး ဒီကနေ့ ည ၇ နာရီဝန်းကျင်လောက်မှာဘဲ သူ့ရဲ့ ပထမဆုံး One Championship ပွဲဦးထွက်ကို စောင့်ကြည့်သွားရတော့မှာဖြစ်ပါတယ်။

Buz Blogger February 14, 2025

Read more ...