မေလ 10 ရက်နေ့တွင် ဘဏ္ဍာရေးမီဒီယာတစ်ခုရဲ့ ဖော်ပြချက်အရ မင်းသမီး Jun Ji Hyun ဟာ Seongsu-dong 1-ga ရှိ Acro Seoul Forest အဆောက်အအုံရဲ့ အပေါ်ဆုံးထပ် ဇိမ်ခံတိုက်ခန်းတစ်ခန်းကို 2022 ခုနှစ် စက်တင်ဘာလတွင် ကိုးရီးယားဝမ် 13 ဘီလီယံ (USD 10 millions) ဖြင့် ဝယ်ယူခဲ့တယ်ဟု ဆိုပါတယ်။
Acro Seoul Forest ရဲ့ 47 လွှာတွင်တည်ရှိတဲ့ ဒီ penthouse တိုက်ခန်းဟာ အကျယ် 264 စတုရန်းမီတာ ရှိတာဖြစ်ပါတယ်။ မင်းသမီး Jun Ji Hyun က သူမရဲ့ခင်ပွန်း Choi Jun Hyuk နဲ့အတူ ဒီအိမ်ကိုငွေသားဖြင့် အပြည့်ပေးချေဝယ်ယူခဲ့တယ်ဟု သိရပါတယ်။
ကိုးရီးယားဝမ် 13 ဘီလီယံဟာ 2022 ခုနှစ်တွင် ဆိုးလ်မြို့ရှိ ရောင်းဈေးအမြင့်ဆုံးတိုက်ခန်းဈေးဖြစ်တာကြောင့် ဒီရောင်းချမှုဟာ အိမ်ခြံမြေလုပ်ငန်းအတွင်း သိသာထင်ရှားတဲ့ အာရုံစိုက်မှုကို ဖြစ်စေခဲ့ပါတယ်။ မင်းသမီး Jun Ji Hyun ဟာ 2005 ခုနှစ်ကဝယ်ယူခဲ့တဲ့ Samsung-dong I'PARK ရှိ တိုက်ခန်းအပါအဝင် ဆိုးလ်ရှိအိမ်ခြံမြေအများအပြားကို ပိုင်ဆိုင်တာဖြစ်ပါတယ်။
No comments: