အကျဥ်းထောင် အသီးသီးက အကျဥ်းသား၊ အကျဥ်းသူ ၂၉၂ ဦးကို ပလောင်ပြည်နယ် လွတ်မြောက်ရေးတပ်ဦး (PSLF/TNLA) က ဇန်နဝါရီ ၁၂ ရက်နေ့ ဒီနေ့မှာ လွတ်ငြိမ်းခွင့် ပေးတယ်လို့ ထုတ်ပြန်လိုက်ပါတယ်။
၆၁ နှစ်ပြည့် တအာင်း အမျိုးသား တော်လှန်ရေးနေ့ အထိမ်းအမှတ်အဖြစ် လွတ်ငြိမ်းခွင့်ပေးတာလို့ TNLA က ဆိုပါတယ်။
ထောင် တစ်လကနေ ငါးနှစ်အထိ ကျခံနေရသူ ၂၃၂ ဦး၊ ထောင်ဒဏ် ခုနစ်နှစ်ကနေ အနှစ် နှစ်ဆယ်အထိ ကျခံနေရသူ ခြောက်ဆယ်ဦးကို လွတ်ငြိမ်းခွင့် ပေးတာလို့ TNLA က ဖော်ပြပါတယ်။
ဒီထဲမှာ မုဒိမ်းမှု၊ သက်ငယ်မုဒိမ်းမှု၊ မူးယစ်ဆေးဝါး သုံးစွဲရောင်းဝယ်မှုနဲ့ ပြစ်မှု ကျူးလွန်ထားသူတွေ ပါတယ်လို့ ရေးသားထားပါတယ်။
ဒါပေမဲ့ တိုက်ပွဲအတွင်း ဖမ်းဆီးရမိတဲ့ စစ်သုံ့ပန်းတွေ မပါဘူးလို့ TNLA က ဖော်ပြထားပါတယ်။
No comments: