မုန်းမြို့တိုက်ပွဲတွင် လက်နက်ချ အညံ့ခံခဲ့သည့် စစ်ကောင်စီတပ်သား ၁၉ ဦးနှင့်မိသားစုဝင် ၄၂ ဦး ကို KNU က ကောင်းမွန်စွာထိန်းသိမ်းစောင့်ရှောက်ထား

ပဲခူးတိုင်း၊ ကျောက်ကြီးမြို့နယ်၊ မုန်းမြို့တိုက်ပွဲတွင် လက်နက်ချ အညံ့ခံခဲ့သည့် စစ်ကောင်စီ တပ် သား ၁၉ ဦးနှင့်မိသားစုဝင် ၄၂ ဦး ကို KNU က ကောင်းမွန်စွာထိန်းသိမ်း စောင့်ရှောက် ထား ကြောင်း KNU ဗဟိုက သတင်းထုတ်ပြန်သည်။

ကေအဲန်ယူ−ကရင်အမျိုးသားအစည်းအရုံး၊ ကော်သူးလေအုပ်ချုပ်နယ်မြေ၊ ခလယ်လွီထူခရိုင်၊ တပ်မ ဟာ ၃၊ မူးမြို့နယ်၊ မုန်းမြို့ပေါ်တိုက်ပွဲများအတွင်း လက်နက်ချအညံ့ခံခဲ့သော စစ်ကောင်စီ တပ် သာား ၁၉ ဦးနှင့်မိသားစုဝင် ၄၂ ဦးကို ကောင်းမွန်စွာ ထိန်းသိမ်းစောင့်ရှောက်ထားကြောင်း ၊ ၂၀၂၃ ခုနှစ်၊ ဒီဇင်ဘာလ ဆန်းပိုင်းက မုန်းမြို့ရှိ ခမရ ၅၉၀ တပ်ဝန်းအတွင်း ဝင်ရောက် တပ်စွဲထား သည့် ခလရ ၈၄ ဗိုလ်မှူးကျော်လတ်ခိုင်အပါအဝင် စစ်ကောင်စီတပ်သား ၁၉ ဦးနှင့် မိသားစုဝင် ၄၂ ဦး သည် KNLA ပူးပေါင်းတပ်ဖွဲ့ထံ လက်နက်ချအညံ့ခံခဲ့ပြီး စစ်ကောင်စီတပ်က လေကြောင်း၊ လက် နက် ကြီးဖြင့် လိုက်လံပစ်ခတ်မှုကြောင့် ဘေးလွတ်ရာသို့ ရွှေ့ပြောင်းပေးခဲ့ကာ နိုင်ငံတကာ ဥပဒေများနှင့် အညီ ကောင်းမွန်စွာ ထိန်းသိမ်းစောင့်ရှောက်ပေးထားခြင်းဖြစ်ကြောင်း သိရှိရသည်။

လက်ရှိအချိန်တွင် ကေအဲန်ယူ−ကရင်အမျိုးသားအစည်းအရုံးမှ လက်နက်ချအညံ့ခံခဲ့သော စစ် ကောင် စီ တပ်သားများနှင့် ၎င်းတို့၏မိသားစုဝင်များကို ၁၉၄၈ ခုနှစ် ဒီဇင်ဘာလ ၁၀ ရက်နေ့၌ ကမ္ဘာ့ ကုလသမဂ္ဂ အဖွဲ့ညီလာခံ အစည်းအဝေးကြီးကအတည်ပြု ကြေငြာခဲ့သည့် အပြည်ပြည် ဆိုင်ရာ လူ့အခွင့်အရေးကြေငြာ စာတမ်းပါ အပိုဒ် (၁)၊ အပိုဒ် (၃)၊ အပိုဒ် (၅) နှင့် အပိုဒ် (၉) ပါ အခွင့်အရေး များအား တစိုးတစိမျှ ချိုးဖောက်ခြင်းမရှိဘဲ လူသားတစ်ဦး၏ဂုဏ်သိက္ခာနှင့်အညီ ရှင်သန်ရပ် တည် နိုင်ရန် ကူညီစောင့်ရှောက် ပေးထားကြောင်း KNU ဗဟို၏ ထုတ်ပြန်ချက်က ဆိုသည်။

အကြမ်းဖက် စစ်ကောင်စီတပ်များအနေဖြင့် အဘက်ဘက်မှ ဆုတ်ယုတ်လာပြီး ၎င်းတို့၏ အာဏာဆက်လက်တည်မြဲရေးအတွက် ဝါဒဖြန့်ချိရေး ယန္တရားကိုအသုံးပြုကာ ၎င်းတို့၏အမြဲတစေ လုပ်ဆောင်ခဲ့သော ဘာသာရေးမှိုင်း၊ လူမျိုးရေးမှိုင်းနှင့် သတင်းအမှားများကိုအသုံးပြုပြီး တော် လှန်ရေး အဖွဲ့အစည်းများကို ပြည်သူလူထုများ အနေဖြင့်အထင်အမြင်လွှဲမှား အောင်လုပ် ဆောင် ခြင်းတို့ကို အားထုတ်လုပ်ဆောင်လျက်ရှိကြောင်း သိရသည်။

ပြည်သူလူထုများအနေဖြင့် အာဏာသိမ်းအကြမ်းဖက်စစ်ကောင်စီတပ်၏ ဝါဒဖြန့်ချိမှုများမှ ရှောင် ကြည် နိုင်ရန်အတွက် ရရှိလာသော သတင်းအချက်အလက်များကို သက်ဆိုင်ရာတော်လှန်ရေး အဖွဲ့ အစည်း၏ တရားဝင် လူမှုကွန်ရက်သတင်းစာမျက်နှာများ၊ ယုံကြည်စိတ်ချရသော သတင်းဌာန များက ထုတ်ပြန်သည့်သတင်းအချက်အလက်များဖြင့် တိုက်ဆိုင်စစ်ဆေးမှုများ ပြုလုပ်ရန် KNU ဗဟို က တိုက်တွန်းနှိုးဆော်ထားသည်။